Bondì, mularia mata...
Torno sul blog co' na mia poesia in dialeto triestin... e ghe xe anca un mio pupolo (disegno) con el mitico Paolin Paperin (papero triestin)... na mia poesia dedicada ala Luna.
LUNA IN PIENA !!!!!!!
Muli, stasera la Luna è in piena... !!!!!!!
La Luna ga la luna
la Luna fa casìn
perché anca la Luna
quando vol la ga el morbìn
La Luna fa la tira
la Luna bati el cuor
perché anca la Luna
quando vol sa far l'amor
La Luna la se impiza
la Luna in controsenso
perché anca la Luna
po' se ilumina de imenso
La Luna col capoto
la Luna bati broche
perché anca la Luna
po' se tira le tirache
La Luna sempre in piena
la Luna xe patoca
perché anca la Luna
no la buta mai zo' in vaca
La Luna distirada
la Luna sula pele
perché anca la Luna
la camina tra le stele
La Luna verso l'una
la Luna la se buta
perché anca la Luna
la ga i oci de gata
La Luna varda el mar
la Luna ocia de qua
perché anca la Luna
ghe vol 'ssai ben a Trieste !
René
