TRAM-SFORMERS - L'ERA DEL RIPRISTINO

Bondì, mularia mata…

Ve ricordè del TRAM-SFORMERS?

El nostro amado Tran de Opcina in version “trambot” che, l'anno scorso, ve gavevo presentado qua: FRACHE' QUA  

Bon, desso el tram ritorna finalmente, dopo lo stop de do' e passa anni, e finalmente ogi, venerdì 11 luglio 2014, ghe xe n'inaugurazion... e per sta gradida ocasion, el mulo Cayo del Cayo Forum de Trieste (questo: FRACHE' QUA PER EL FORUM DE CAYO ) ga vudo n'ideona... "cinematografica", che el sotoscrito ga messo in pratica, anzi, in pupolo (disegno).

Eco el manifesto del novo, spetacolosissimo film !!! (come al solito, cliché per visualizarlo in grando, opur fe' na roba ancora meo... fe', col tasto destro del mouse, copia dela bara dei indirizi del disegno clicà, e po riverzelo in t'un n'altra finestra, clicando "incolla", sempre col tasto destro del mouse)

Ala prossima...

   René

UN DOVEROSO RINGRAZIAMENTO A "CAYOEFFE" FORUM...

Logo del forum Trieste de Cayo

Bondì... beco un scampolo de tempo, giusto per un doveroso ringraziamento al forum di CAYOEFFE ( lo trovè clicando qui )... el forum de Cayo xe un forum dedicado, oviamente, ala nostra bela Trieste! Ghe scrivessi diretamente sul forum, ma no son iscrito e no me iscrivo più ai forum perché, a causa del tempo che manca (tempo de orologio, no atmosferico), no rivo a seguir ben nianca altri dò forum indove son zà iscrito.

Un ringraziamento in ritardo, perché me go inacorto soltanto desso, per puro caso, de sto post: ( clichè anca qua )

Grazie veramente, gentilissimo!


Come descrito dal stesso Cayo, questo dei mii pupoli xe solo un hobby, quindi scuseme la lenteza... de solito me beco un do' tre orete ala domenica sera per pupolar.
Però, prometo che entro sto anno el fumeto dela Cavala Zelante lo podarè leger tuto (no xe longo el fumeto in sé... xe la riproduzion in pupolo de certi loghi de Trieste, che me porta via 'ssai tempo... purtropo go la fissa del perfezionismo maniacale, e alora tendo a pupolar anca el singolo maton storto).
El fumeto dela cavala speravo de finirlo zà in novembre del domilaeundisi... inveze son ancora fermo ala terza pagina (ne go previste un 8 o 9 circa)!!! Questo per dirve...

Ma spetè fiduciosi... anca perché devo per forza finirlo prima che se averi la Profezia dell'Apemaia!

Un saludo

    René