Caro Babo Nadal, come te sta ?
Te scrivo sta leterina per domandarte... na LETIERINA per la mia gata (levra de copi) !
Na letierina nova, possibilmente comoda, ma sopratuto particolar... che no la sia la solita letierina per gati, ma proprio na roba bela anca de veder oltre che de usar...
El primo model al qual gavessi pensà, xe el model "Pessecan by Collodi":
Però, sicome che la mia gata ga i dolori aeronautici e, vedendo sto pessecan cussì tremendo, ghe podessi ciapar anca n'infranto al cor, oltre al (in sto caso più che appropriado) scagot, gavessi pensà al model "Letiera per gati con riscaldamento centralizado". El ga anca la manovela de sora, co' la susta, cussì, mentre ela xe drento che la fa le sue robe, mi de sora ghe giro la manovela e ghe fazo caldo in tempo real:
Po', volendo... gavessi pensà a na roba un fiatin più lussuosa, che tanto caro Babo Nadal, so che ti no te badi a spese.
Quindi, gavessi pensado a un model "Luigi 113":
Se po' ti, caro Babo Nadal, te son de mentalità ala Ucio Spinaza, gavessi pensà, infin, a na robeta più economica e sopratuto più patoca !
Go pensado al model "Letiera Caro-scudo", ispirada diretamente al novo caro-scudo del nostro mitico Tram de Opcina !
Na letiera con la qual tirar suso più facilmente tuta la roba, per po' portarla fin in zima ala borsa dele scovaze:
No go altro de domandarte... spero che te me acontenterà. In fondo, in tempi de crisi, chieder per regal de Nadal un condoto, xe sicuramente n'afaron de oro, coss' te disi ?
Bon, mi desso vado che go de cambiarghe la sabia ala gata. Ti, intanto, caro Babo Nadal, pensighe sora e po' vedi ti qual model sceglier... per la mia gata un val l'altro, tanto no la xe schizinosa... la letiera ghe servi solo per far la pupù !
Viva... saludime anca tu fradel San Nicolò, el suo Krampus e vostra zia, la Befana.
René
Nessun commento:
Posta un commento
Accetto tutti i commenti di tutti i visitatori. Richiedo solo un po' di sana "etichetta": niente volgarità gratuite, niente insulti, niente polemiche e/o insulti a sfondo politico/religioso/razziale.
Inoltre, devo approvare i commenti prima della pubblicazione sul blog, solo per evitare spam e troll.
Infine, in questo blog non sono graditi commenti anonimi, provocatori oppure offensivi. Esiste la libertà di opinione e critica alle tesi espresse ma la si esercita firmandosi (va bene anche un nick) e, come già detto poc'anzi, con educazione.