Bonasera a tuti... ogi scrivo solo in patoco puro!
Come de titolo qua sora, "Trieste patoca" xe anca su Faciadelibro, co' na pagineta tuta sua. Cussì, giusto pe' farse un fià de réclame.
Eco el link (chi che vol, pol clicarghe me piasi, cussì el verà agiornado anca lì):
Struche qua per verzer la pagina Facebook de TRIESTE PATOCA
Saludi, a presto mularia mata
René
***************************************************************************
**********************************************************************************
2 commenti:
Gò trovà sto sito misiandome col computer,gò comincià de vecio a navigar, e son sai contento, el sito xè favoloso per mì,e penso anche pei altri veri Triestini, lo gò sai aprezà e ghe fazo tantisimi complimenti a Renè, che per eser cusì zovine el gà fato un lavoron!!!!!!! Grazie!!!!!
El Barba... te ringrazio 'ssai!
Nei mii limiti, zerco de far el possibile per far scoprir e riscoprir la bela Trieste de na volta, con tuti i sui personagi più o meno conossui, le sue maciete, le sue legende e/o memorie. Per far sì che le robe più antiche (ma mai vecie, come digo sempre mi) che ga contribuido a render granda l'essenza de Trieste, no le se perdi in tei cantoni de l'oblio. E le robe più cocole e, spero, interessanti le possi rinasser, sfrutando sopratuto la potenza comunicativa de Internet che riva dapertuto, anca al'estero, quindi anca ai triestini d'antan che i xe 'ndai via tanto tempo fa, ma che no i ga mai dimenticà sta nostra meravigliosa cità (ai quali ghe fazzo un saludo... Trieste no li ga mai dismentigai e ghe vol sempre ben).
In più, zontandoghe qualche monada mia, che sia un pupolo o poesia (to', go fato pur la rima), zerco de renderlo un po' simpatico e creativo.
Tignindo ben inamente che xe tuto per hobby e passion, che son el primo a no gaver la verità in tasca (per quel son sempre ben aceti consigli e anca critiche), e che qualcossa pol sfugirme, anca le picoleze.
Fin de putel son sempre stado inamorà no solo dela cità, ma dele sue canzoni, del suo morbin, dela sua storia e dela sua stessa anima! Nel mio picio, quindi, nel tempo libero me piasi contribuir per quel poco che rivo. "Tuto fa Brodway", come disi el titolo de un spetacolin teatral de un mio amico! :D
Ricordandose sempre che i ne ga portado via un po' tuto (desso anca la nostra Union Triestina Calcio!), ma no i poderà mai portarne via la nostra storia e le nostre tradizioni patoche... dita cussì sembra na roba de comizio, ma xe importantissimo, per niente scontado, secondo mi.
Ancora grazie, un saludo!
Posta un commento
Accetto tutti i commenti di tutti i visitatori. Richiedo solo un po' di sana "etichetta": niente volgarità gratuite, niente insulti, niente polemiche e/o insulti a sfondo politico/religioso/razziale.
Inoltre, devo approvare i commenti prima della pubblicazione sul blog, solo per evitare spam e troll.
Infine, in questo blog non sono graditi commenti anonimi, provocatori oppure offensivi. Esiste la libertà di opinione e critica alle tesi espresse ma la si esercita firmandosi (va bene anche un nick) e, come già detto poc'anzi, con educazione.